Хоптогинская библиотека

Төрөөбүт тылынан ааҕар — ол ийэ тылгын таптыырыҥ, кэрэтин өйдүүрүҥ бэлиэтэ. Оҕо сахалыы кинигэни ааҕарын ситиһии — бу төрөппүт, учуутал уонна бибилэтиэкэ сүрүн сыаллара, оҕо тылын-өһүн сайыннарар, өйүн-санаатын байытар сүрүн дьарык. Бүгүн, ыам ыйын 4 күнүгэр, 7-с кылаас үөрэнээччилэрэ «Мин төрөөбүт тылым — саха тыла» дорҕоонноохтук ааҕыы тэрээһинигэр кытыннылар. Оҕолор А. Бродников, Эрилик Эристиин, Сэмэн Тумат, Н. Заболоцкай айымньыларыттан аахтылар.