Хоптогинская библиотека

Саха бастакы балерината, талааннаах уһуйааччы Аксенья Васильевна Посельская төрөөбүтэ 100 сылын көрсө, кини аатын сүгэн, үлэлии-хамныы олорор Дириҥнээҕи оҕо ускуустуба оскуолатын туһунан, альбом-кинигэ сүрэхтэннэ.

Кинигэни оскуола директора, СӨ култууратын туйгуна, «Родительская Слава» орден кавалера А. П. Новгородов уонна үҥкүү кылааһын салайааччыта СӨ културатын туйгуна Е. В. Старостина хомуйан, таҥан таһааттардылар.
Кинигэ сүрэхтэнэр үөрүүлээх чааһыгар Хоптоҕо нэһилиэгин баһылыга А. Л. Бурцев, Чурапчы улууһун баһылыгын социальнай боппуруостарга солбуйааччы М. Ф. Кронникова, Чурапчы улууһун култуураҕа салаатын салайааччыта П. Е. Гуляев, Дириҥнээҕи орто Агро оскуола дириэктэрэ Е. В. Адамов о.д.а истиҥ-иһирэх эҕэрдэлэрин, кинигэ туһунан санааларын эттилэр.