Хоптогинская библиотека

Муус устар 19 күнүгэр олохтоох бибилэтиэкэҕэ Арассыыйа үрдүнэн сылын аайы ыытыллар «Библионочь — 2024»   тэрээһин ыытылынна. Быйылгы тэрээһин Арассыыйаҕа Дьиэ кэргэн, Саха сиригэр Оҕо саас сылларыгар диэн тиэмэлээх.

Бу күн «Кинигэ уонна дьиэ-кэргэн» кинигэ быыстапката турда.

3 кылаас үөрэнээччилэригэр (сал. Иванова Е. В.)
төрүччүнү оҥоруу туһунан беседа ыытылынна. Оҕолор өбүгэлэринэн киэн туттуу, дьиэ кэргэн  үгэстэрин, абыычайдарын, кэриэс малларын туһунан кэпсэли иһиттилэр. Төрөппүттэрин кытта сүрдээх үчүгэйдик төрүччүлэрин оҥорон аҕалан кэпсээтилэр.

Дириҥнээҕи искусство оскуолатын уруһуй кылааһын үөрэнээччилэригэр (сал. Иванова Т. А.) «Читаем всей семьей» диэн ааттаах журнал оҥоруутугар уонна уруһуй конкурстара ыытылыннылар. Оҕолор түөрт хамаандаҕа арахсаннар, кинигэ уонна дьиэ кэргэн тиэмэтигэр олус интириэһинэй ис хоһоонноох журнааллары оҥордулар. Оҕолор дьиэҕэ үлэлэрин, нэһилиэктэригэр саҥа тутуулаах библиотека баар буолуон баҕаралларын уруһуйдаан  кэлэннэр, үлэлэрин көмүскээтилэр. Куонкуруска 3 миэстэ Васильева Сайнаара 2 кыл. уонна Толстоухова Айсена 2 кыл., иккис миэстэ Кузьмина Ньургустана 6 кыл. уонна бастакы миэстэ Кузьмина Нарыйаана 6 кыл. буоллулар