Хоптогинская библиотека

Улуу Кыайыы 79 сылын көрсө уонна Бүтүн Арассыыйаҕа ыытыллар «Дорога к обелиску» акция чэрчилэринэн Дириҥ орто оскуолатын 7 кылааһын үөрэнээччилэригэр (сал. Макарцова И. В.) гражданскай-патриотическай тэрээһин ыытылынна.
Тэрээһин бастакы чааһыгар оҕолор Хоптоҕо нэһилиэгин баһылыгын солбуйааччытын Адамов Е. В. кытта көрүстүлэр. Егор Владимирович ыччаты патриотизм тыыныгар иитии олус суолталааҕын, олох сыаннастарын, майгы-сигили төрүттэрин, оҕо кыра сааһыттан саҕалаан төрөөбүт дойдутун таптыахтааҕын, харыстыахтааҕын, патриотическай тыыны иҥэринэн сайдан тахсыахтааҕын туһунан кэпсээтэ.
Салгыы библиотекарь Толстоухова М. П. «Дорога к обелиску» акция историятын, суолтатын туһунан кэпсээтэ уонна «Стоит на страже Родины солдат» диэн кинигэ быыстапкатын билиһиннэрдэ.
Тэрээһин бүтэһик чааһыгар оҕолор, нэһилиэкпит киинигэр турар Аҕа дойду сэриитин кыттыылаахтарыгар анаммыт памятникка тахсан хаар ыраастааһыныгар үлэлээтилэр.