Хоптогинская библиотека

Олунньу 14 күнүгэр Саха норуотугар Айыыһыт сылыгар, тыл хомуһунун уонна сүрү биэрэр Одун Хаан ыйыгар, Арассыыйаҕа — Дьиэ кэргэн, Саха Өрөспүүбүлүкэтигэр — Оҕо саас сылларыгар, Төрөөбүт тыл уонна сурук-бичик күнүгэр аналлаах «Остуоруйа дойдутун устун айан» диэн Уйбаан Доосо аатынан Дириҥнээҕи орто Агро оскуола интернатын иитиллээччилэригэр аналлаах күрэс буолан ааста.
Күрэххэ 6-11 кылаас үөрэнээччилэрэ 24 оҕо кытыннылар. Оҕолор саха суруйааччыларын айымньыларыттан уустаан-ураннаан остуоруйалары, үһүйээннэри кэпсээтилэр.

Күрэх түмүгүнэн:
III Үрдэл — Карпова Сандаара 7 кыл.
II Үрдэл — Еремеев Егор 10 кыл.
I Үрдэл — Егорова Күөрэгэй 8 кыл. буоллулар.

«Остуоруйа дойдутун устун айан — 2024» күрэс муҥутуур кыайыылааҕынан Коркина Алисия 11 кыл. буолла.

Күрэспитигэр бириистэринэн спонсордаабыт нэһилиэкпит олохтоохторугар Родионова Саргылана Георгиевнаҕа, Васильева Ньургуйаана Егоровнаҕа махталбытын тиэрдэбит!

Кыайыылаахтары, кыттыылаахтары эҕэрдэлиибит!
Төрөөбүт төрүт тылгытын таптааҥ, ытыктааҥ!