Хоптогинская библиотека

Муус устар 21 күнүгэр, «Төрөөбүт тыл биһигэ» оҕону ааҕыыга уһуйар, сайыннарар кииҥҥэ — «Ыллык» уһуйаан улахан бөлөҕүн иитиллээччилэрэ ыалдьыттаатылар. Оҕолор И. Никифоров «Кырачаан булчуттар» кинигэтиттэн тэттик кэпсээни иһиттилэр, тыа сирин уратытын, сиэри-туому, айылҕа кистэлэҥнэрин биллилэр. Ыйытыыларга хоруйдаатылар, тугу истибиттэрин кэпсээтилэр.

Ааҕыы киинин сүрүн сыалынан оҕо кинигэҕэ интэриэһин күүһүрдүү, ааҕыы абылаҥар умсугутуу буолар. Оҕолор библиотекаттан кинигэ уларсан, библэтиэкэҕэ сылдьан элбэх саҥаны, сонуну билэллэр-көрөллөр, билиилэрин хаҥаталлар.