Хоптогинская библиотека

Олунньу 18 күнүгэр, Төрөөбүт тыл уонна сурук-бичик декадатын чэрчитинэн, сылын аайы ыытыллар «Остуоруйа дойдутун устун айан» уус-уран ааҕыы күөн-күрэһэ олохтоох бибилэтиэкэ тэрийиитинэн 4-с төгүлүн ыытылынна. Күрэххэ Уйбаан Доосо аатынан Дириҥ орто оскуолатын интернаатын иитиллээччилэрэ 5-11 кылаас үөрэнээччилэрэ, барыта 34 оҕо кытынна. Оҕолор сахалыы остуоруйалары ааҕан, үөрэтэн уустаан-ураннаан кэпсээтилэр. Күрэх сыала-соруга үүнэр көлүөнэ ыччакка сахалыы эйгэни кэҥэтии, саха төрүт өбүгэ остуоруйаларыгар сыһыарыы, уустаан-ураннаан сахалыы ыраастык кэпсиир дьоҕуру сайыннарыы буолар.

Быйылгы күрэхпит уратытынан буолла — былырыыҥҥы күрэххэ кыайбыт оҕолор дьүүллүүр сүбэҕэ үлэлээһиннэрэ.

Уус-уран ааҕыы күрэхпит түмүгүнэн:

Кылаан кыайыылаах — Анемподистов Айхал 5-с кылаас

1 Үрдэл — Ачигасов Давид 5-с кылаас

2 Үрдэл — Сысолятина Айта 11-с кылаас

3 Үрдэл — Афанасьева Ангелина 10б кылаас

Кыайыылаах оҕолор Добун суруктарынан, бэлэхтэринэн наҕараадаланнылар.