Хоптогинская библиотека

Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура сылларын, төрөөбүт тыл уонна сурук-бичик күнүн чэрчитинэн

«ОСТУОРУЙА ДОЙДУТУН УСТУН АЙАН»

уус – ураннык Саха сирин олохтоох омуктарын остуоруйаларын, үһүйээннэрин кэпсиир күрэһин

БАЛАһЫАННЬАТА

Ыыталлар кэмэ: Олунньу 13 күнэ 2026 с.

Тэрийээччи: Хоптоҕо нэһилиэгин библиотеката, Дириҥ орто оскуолатын.

Кыттааччы: Уйбаан Доосо аатынан Дириӊнээҕи орто Агро оскуола интернатын иитиллээччилэрэ.

Сыала-соруга:

— ϴбүгэ саҕаттан уостан уоска кэпсэнэр норуот остуоруйаларын киэҥ араҥаҕа тарҕатыы, билиһиннэрии, сөргүтүү;

— Кэлэр кэнчээри ыччаттарбытын саха төрүт өбүгэ остуоруйаларыгар кинигэни ааҕыынан сыһыарыы;

— Уус-ураннык сахалыы ыраастык кэпсиир дьоҕуру сайыннарыы;

— Оскуола саастаах оҕо, ыччат көҕүн, интэриэһин тардыы;

— Сахалыы эйгэни кэҥэтии.

Ыытыллар бэрээдэгэ:

— Күрэс 5 – 11 кылаас оҕолоругар ыытыллар;

— Кыттааччы тэттик остуоруйаны, үһүйээни уус-ураннык оруолга киирэн туран кэпсиир;

— Кыттааччы кэпсиирин уһуна 5 мүнүүтэ иһинэн;

— Кыттыы босхо ыытыллар.

Наҕараадалааһын:

Кылаан бириис уонна 1, 2, 3 үрдэллэр иҥэриллиэхтэрэ. Кыайыылаахтар дипломунан, анал бириистэринэн наҕараадаланаллар.