Хоптоҕо нэһилиэгин ааҕааччыларыгар өҥөнү оҥорор, көһө сылдьар бибилэтиэкэ үлэлиир.
Бу маннык бибилэтиэкэ, саҥа туһанааччылар бөлөхтөрүн тэрийэр, кэҥэтэр уонна бибилэтиэкэ үлэтигэр ааҕааччы киириитин тупсарар. Мобильнай бибилэтиэкэ улахан социальнай оруоллаах, ол курдук, бибилэтиэкэ ситимин сайыннарыыга, стационарнай бибилэтиэкэҕэ сылдьар кыаҕа суох дьоҥҥо бибилэтиэкэ сүрүн өҥөлөрүн ылар кыаҕы биэрэр. Уйбаан Доосо аатынан Дириҥ орто оскуолатын, нэһилиэкпит доруобуйа харыстабылын тэрилтэтин уонна да атын тэрилтэлэрин кытта сибээһи бөҕөргөтөр. Социальнай өттүнэн кыаммат бөлөхтөргө (оҕолорго, кырдьаҕастарга уонна доруобуйаларынан хааччахтаах дьоҥҥо) бибилэтиэкэ ресурсаларын баар буолуутун үрдэтэр. Мобильнай бибилэтиэкэ олус туһалааҕын уонна тоҕоостооҕун нэһилиэк олохтоохторо үөрэ кэпсииллэр. Тоҕо диэтэххэ, билиини тиэрдэр, информацияны тэҥҥэ ылыыны хааччыйар, сурук-бичик интэриэһин сайыннарар, дьон ханна баалларыттан тутулуга суох, ордук тыа сиригэр көмөлөһөрүн бэлиэтииллэр.
Просим принять участие в опросе и ответить на вопросы анкеты "Оценка удовлетворенности работой организации"
по ссылке или QR коду