Хоптогинская библиотека

1922 сыл муус устар 27 күнүгэр ылыллыбыт Саха Автономията, оччотооҕу Саха уобалаһа өрөспүүбүлүкэ быһыытынан статустаммыта бүгүҥҥү күҥҥэ хас биирдиибитигэр сүҥкэн улахан суолталаах. Саха Автономнай Сэбиэскэй Социалистическай Өрөспүүбүлүкэтин төрүттээбит саха чулуу дьоно М.К.Аммосов, П.А.Ойуунускай, И.Н.Барахов, В.В.Никифоров-Күлүмнүүр сыралаах үлэлэрин, күүстээх туруорсууларын түмүгэр Саха Автономията баар буолбута.

Үүнэр көлүөнэ ыччакка анаан, Саха автономията төрүттэммит күнүгэр, Хоптоҕо олохтоох бибилэтиэкэтигэр 6 кылаас үөрэнээччилэригэр тэрээһин ыытылынна. Оҕолор Саха Өрөспүүбүлүкэтин туһунан историяттан бэсиэдэни иһиттилэр, викторинаҕа кытыннылар, бука бары «Таптыыбын Сахам сирин» хоһоону дорҕоонноохтук аахтылар уонна өрөспүүбүлүкэбит туһунан кэпсиир кинигэ быыстапкатын көрдүлэр.