Хоптогинская библиотека

Төрөөбүт сахатын тылын сайыннарыыга-чинчийиигэ олоҕун анаабыт, саха алфавитын төрүттээбит, бастакы лингвист Семен Андреевич Новгородов төрөөбүт күнүгэр тубэhиннэрэн, олунньу 13 күнэ төрөөбүт тыл уонна сурук-бичик күнүнэн бэлиэтэнэр. Бу дьаhал Саха Республикатын бастакы Президенэ Михаил Ефимович Николаев ыйааҕынан 1996 сыллаахха олохтоммута. Бу кэмтэн ыла Республикабытыгар араас таһымнаах тэрээһиннэр ыытыллаллар. Тыл уонна сурук-бичик күнүн чэрчитинэн Хоптоҕо нэһилиэгин бибилэтиэкэтин дьаһалыгар, Уйбаан Доосо аатынан Дириҥ орто оскуолатын алын уонна орто сүһүөх үөрэнээччиэлэрэ кытыннылар. Норуот олорбут олоҕо, тыына-дьылҕата тылыгар иҥэн сылдьар. Оҕо төрүөҕүттэн ийэ тылын эйгэтигэр иитилиннэҕинэ, омук кутун-сүрүн, өр үйэлэргэ муспут муудараһын этигэр-хааныгар иҥэринэр, төрөөбүт тылын, бэйэтин омугун харыстыыр киһи буолар диэн этэллэр. Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ-сайда турарын туһугар, кэнэҕэски Кэнчээри ыччаппытыгар, кырачаан дьоммутугар тиэрдиэх тустаахпыт.

1, 2, 3, 4 кылаастарга анаан «Илгэлээх ийэ тылбыт дуорайдын» ааҕыы күннэрэ, оонньуулар ыытылыннылар.

5 кылаас үөрэнээччилэригэр «Саха буолан сандаар» бибилэтиэкэ уруога ыытылынна.

6 кылаас үөрэнээччилэрэ «Сахалыы дьыктаан» өрөспүүбүлүкэтээҕи аахсыйаҕа кытыннылар. «Туйгун» сыанаҕа — 4 оҕо, «Үчүгэй» сыанаҕа — 8 оҕо суруйда.

7, 8а, 8б кылаас үөрэнээччилэрэ «Ноҕуруодаптыы суруйабыт» аахсыйаҕа кытыннылар. «Туйгун» сыанаҕа — 4 оҕо, «Үчүгэй» сыанаҕа — 3 оҕо суруйда. Кыттыбыт оҕолорго Добун суруктар уонна Туоһу суруктар туттарылыннылар.

Бу тэрээһиннэргэ кинигэ быыстапката турда. Төрөөбүт тыл, сурук-бичик күнэ үтүө үгэскэ кубулуйан, сыллата бэлиэтэнэн, тэнийэн, сайдан истин!