Хоптогинская библиотека

Тохсунньу 16 күнүгэр олохтоох библиотека уонна «Үрдэл» НАКиинэ кыттыһан, нэһилиэкпит аҕам саастаахтарыгар уонна доруобуйаларынан хааччахтаах олохтоохторугар Саҥа 2026 сылы көрсөр үөрүүлээх тэрээһини ыыттыбыт. Дьоммут-сэргэбит кэлэннэр көхтөөх кыттыыны ыллылар.

Тохсунньу 20-21 күннэригэр, 2026 сыл Арассыыйаҕа — норуоттар сомоҕолоһууларын, Саха өрөспүүбүлүкэтигэр — культура сылларын арыйар үрдүк таһымнаах тэрээһин ыытылынна. Манна, Саха өрөспүүбүлүкэ уус-уран оҥоһуктарын маастара, Таатта улууһун норуот маастара Потапова В.Н. тикпит туос иһиттэрин уонна сиэлтэн оҥорбут сөрүөлэрин быыстапката турда. Маастар икки күннээх туос иһити тигиигэ, туоһу хаһан, хайдах хастыыргы, хайдах харайарга үөрэх ыытта. Хоптоҕо нэһилиэгин кэрэ аҥардара сылдьан үөрэнэн, өбүгэбит ииһин биир көрүҥүн баһылаан астынныбыт.

Тохсунньу 23 күнүгэр оскуолабыт интернаатын иитиллээччилэригэр «Төрөөбүт төрүт тылбынан ааҕабын, саҥарабын, кэпсиибин» оҕолор ийэ тылларынан ыраастык саҥара, кэпсии сылдьалларыгар туһуламмыт тэрээһин ыытылынна. Саха остуоруйаларын ааҕарга, үөрэтэргэ кинигэлэри уларыстылар, викторинаҕа бөлөҕүнэн арахсан күрэх ыытылынна уонна саха сылгытын туһунан оскуола библиотекарын виртуальнай быыстапкатын көрдүлэр.