Хоптогинская библиотека

Олунньу 4 күнүгэр «Ыал саргыта» улуус пилотнай бырайыагын чэрчитинэн ыытыллар «Ааҕар саха сайдам ыала» күрэх Хоптоҕо нэһилиэгэр аһыллыыта ыытылынна. Күрэх сыала-соруга дьиэ кэргэнинэн ааҕыыны сайыннарыыга, өйөөһүҥҥэ, көҕүлээһиҥҥэ, атын тэрилтэлэри киэҥник кытыннарыыга ананар. Кыбаарталга биирдии уопсай тэрээһин ыытыллар.
Ол курдук, бастакы кыбаарталга 6 түһүмэхтээх өй күрэһэ буолла. Күрэҕи нэһилиэк бибилэтиэкэрэ иилээн-саҕалаан ыытта. Бу күрэххэ 7 дьиэ кэргэн көхтөөх кыттыыны ыллылар.

Дьүүллүүр сүбэҕэ саха тылын учуутала Осипова Л. А., алын сүһүөх кылаас салайааччыта Тарабукина М. Э. уонна оскуола бибилэтиэкэрэ Сергеева Н. Н. үлэлээтилэр.
Күрэх түмүгүнэн 1 миэстэ Алик, Валентина Петровтар дьиэ кэргэн, 2 миэстэ Самаана, Татьяна Пестеревалар дьиэ кэргэн, 3 миэстэ Стас, Ирина Макарцовтар дьиэ кэргэн тигистилэр.