Алтынньы 15 күнүгэр «Оҕолорбут сүрэхпитигэр тыыннаахтар» АБДьайыыга баран сырдык тыыннарын толук уурбут, хорсун санаалаах биир дойдулаахтарбытыгар анаммыт быыстапка арылынна.
Төрөөбүт дойдубут көҥүлүн уонна кэскилин, кырдьык уонна эйэ иһин анал байыаннай дьайыы буола турарын бары билэбит. Манна биһиги биир дойдулаахтарбыт хорсуннук кытталлар. Кинилэр хорсун быһыыларынан, Ийэ дойдуларын көмүскүүр күүстээх дьулуурдарынан биһиги киэн туттабыт!
Төрөппүт оҕону, бииргэ төрөөбүтү, аҕаны сүтэрии туһунан кэпсиир олус ыарахан. Ол эрэн биһиги хорсун-хоодуот уолаттарбыт ааттарын, кинилэр сырдык мөссүөннэрин, олорон ааспыт кылгас олохторун, ситиһиилэрин умнуо суохтаахпыт! Бу биһиги ытык иэспит буолар!
АБДьайыыга барбыт биһиги уолаттарбыт үстүү ый анал бэлэми ааһаннар, Украинаҕа байыаннай дьайыыга утуу-субуу аттаммыттара. Дойдуларын туһугар бэриниилээхтэрин, ханнык баҕарар күчүмэҕэйдэргэ сатабыллаахтарын көрдөрөн, бииргэ сылдьыбыт табаарыстарын ытыктабылларын ыланнар, сахалар хорсун ааттарын ааттаппыттара. Ити курдук, ыарахантан чаҕыйбакка, өстөөх күүстээх кимиилэриттэн толлубакка, Дойдуларын эйэлээх, сайдыылаах олоҕун туһугар ытык иэстэрин чиэстээхтик толоро сылдьаннар сырдык тыыннара быстыбыта. Быыстапка арыллыытыгар уолаттарбыт төрөппүттэрэ, бииргэ төрөөбүттэрэ, доҕотторо кыттыыны ыллылар, барҕа махтал тылларын тиэртилэр.
“Хоптоҕо нэһилиэгэ МТ” баһылыга Алексей Леонидович Бурцев, “Чурапчы улууһа МТ” баһылыгын солбуйааччыта Алексей Гаврильевич Лобанов, Уйбаан Доосо аатынан Дириҥнээҕи орто оскуола директора Егор Владимирович Адамов, Хоптоҕо нэһилиэгин эр дьонун аатыттан Иван Семенович Посельскай, төрөппүттэр ааттарыттан Галина Ивановна Поисеева, «Мэлдьэхси тускула» түмсүү аатыттан Константин Егорович Платонов тыл эттилэр.
Быыстапка үс күн туруоҕа.
Просим принять участие в опросе и ответить на вопросы анкеты "Оценка удовлетворенности работой организации"
по ссылке или QR коду