Хоптогинская библиотека

“Терроизм” диэн тыл латыын тылыттан “куттааһын” диэн тылбаастанар. Бу тыл олоххо ыар дьайыылаах. Терроризм – куттааһыны киһи аймах туһугар мэлдьи туһаныы. Биһиги олохпутугар ыар дьайыылары, содуллары оҥорор. Терракт түмүгэр эйэлээх олох дьонноро сиэртибэ буолаллар.

Балаҕан ыйын 3 күнэ – Арассыыйаҕа терроризмы утары биир санааланыы күнэ. Бу күн Арассыыйа халандаарыгар баар буолбут төрүөтэ 2004 сыл балаҕан ыйын 1 күнүгэр Хотугу Осетия-Алания өрөспүүбүлүкэтин Беслан куорат оскуолатыгар буолбут сүүһүнэн ахсааннаах киһи өлүүлээх террагы кытта сибээстээх. Туох да буруйа суох эйэлээх олоххо үөрэ-көтө үүнэн-сайдан испит оҕолор ити ынырык терракт содулун сиэртибэтэ буолбуттара.

Арассыыйа гражданиннара РФ Конституциятыгар олоҕуран, терроризм дьайыытыттан судаарыстыба өттүттэн сокуонунан көмүскэллээхпит. Ол курдук “Терроризмы утары охсуһуу» Федеральнай сокуон үлэлиир, РФ уголовнай кодексын 205 ыстатыйатыгар олоҕуран терроизм дьайыытын оҥоруу иһин сокуон иннигэр эппиэттиигин.

Терроризм үс сүрүн көрүҥҥэ арахсар. Бастакыта, эстэр устройстволары туһаныы. Күннээҕи олоххо туһаныллар предмет иһигэр кистээн угуохтарын эмиэ сөп. Иккиһэ – киһини сүһүрдэр кутталлаах химическэй эттиктэри туһаныы. Үһүс көрүҥэ – төлөпүөн, сибээс нөҥүө тахсан, эйигин эрийэ тутан, тугу барытын оҥотторуохтарын сөп.

Терракт оҥоһуллан эрэрин туһунан оонньоон, дьону дьээбэлээн куттуур сокуонунан накаастанарын умнумаҥ.

Тула өттүгэр сэрэхтээх уонна болҕомтолоох буол: террористар ииппит эстэр тэриллэрэ баар буолуон сөп. Ордук элбэх киһи тоҕуоруһар сирдэригэр – үөрэх тэрилтэлэригэр, атыы-кутуу, сынньанар кииннэргэ.

Тула өттүгэр туттуллубакка турар маллары, холобур, суумканы, пакеты, чымадааны, хоруопканы бэлиэтии көрө сырыт. Өскөтүн оннук тутуттуллубат маллары бэлиэтии көрдөххүнэ, терроизмы утары охсуһар туһааннаах тэрилтэлэргэ биллэр. Тыытыма. Аттыгар чугас турума – 250-300 миэтэрэ тэйиччи тур.

Олохтоох бибилэтиэкэҕэ терроризмы утары үлэҕэ быыстапка туруорулунна, кэлэн көрүҥ!