Дириҥҥэ «Айылҕа тыына айылгылаах, сиэрдээх олох ситимнээх дьоһун ыал» саҥа кинигэ сүрэхтэннэ.
Кулун тутар 22 күнүгэр, Улуу Кыайыы 80 сылын көрсөр тэрээһиннэр чэрчилэринэн уонна улууспутугар Үйэлээх килбиэн сылыгар, Хоту көһөрүллүү кыттыылаахтарын, үлэ, тыыл бэтэрээннэрин, үлэнэн дьолломмут, сиэрдээхтик олорбут, уйгуну уһансыбыт, Хоптоҕо нэһилиэгин биир бастыҥ ыалларын Герой Ийэ Марфа Николаевна уонна Николай Николаевич Толстоуховтар тустарынан ахтыы кинигэ сүрэхтэниитэ буолла.
Кинигэ сүрэхтэнэр үөрүүлээх түгэнин СӨ култууратын туйгуна, СӨ Норуотун айымньытын сайдыытыгар кылаатын иһин бэлиэ хаһаайката, Арассыыйа суруналыыстарын сойууһун чилиэнэ Наталья Ивановна Руфова Аал уоту оттон, арчылаан алгыһынан арылынна.
Ахтыы кинигэни хомуйан-таҥан оҥордулар М. Н. уонна Н. Н. Толстоуховтар орто кыыстара Наталья Павлова уонна Наталья Руфова.
Кинигэ Дьокуускай куорат «Сайдыы» полиграф издательствотыгар 50 ахсаанынан тахсыбыт. Формаата улахан, халыҥ тастаах, 103 страницалаах, элбэх хаартысканан, куар куодунан ситэриллибит, аныгылыы тупсаҕай хаачыстыбалаах оҥоһуллубут.
Кинигэ биһирэмигэр үгүс элбэх оҕолоро, сиэттэрэ, аймах-уруу дьонноро, доҕотторо, ыкса ыаллара, тэрилтэ салайааччылара кыттыыны ыллылар.
Просим принять участие в опросе и ответить на вопросы анкеты "Оценка удовлетворенности работой организации"
по ссылке или QR коду