Хоптогинская библиотека

Олунньу 17 күнүгэр Төрөөбүт тыл уонна сурук-бичик декаадатын чэрчитинэн сылын аайы ыытыллар «Остуоруйа дойдутун устун айан» уус-уран ааҕыы күөн-күрэһэ 3-с төгүлүн ыытылынна. Тэрийээччилэр: Хоптоҕо нэһилиэгин олохтоох бибилэтиэкэтэ уонна Уйбаан Доосо аатынан Дириҥ орто оскуола интернаата. Күрэхпитигэр 5-11 кылаас үөрэнээччилэрэ 32 оҕо саха остуоруйатын уустаан ураннаан кэпсээтилэр. Күрэх сыала-соруга: үүнэр көлүөнэ ыччакка сахалыы эйгэни кэҥэтии, саха төрүт өбүгэ остуоруйаларыгар сыһыарыы, уустаан-ураннаан сахалыы ыраастык кэпсиир дьоҕуру сайыннарыы.

Күрэх түмүгүнэн Кылаан кыайыылаах — Барашков Саян 9 кылаас, 1 миэстэ — Куприянова Алгыстаана 11 кылаас, 2 миэстэ — Канаев Миша 7 кылаас, 3 миэстэ — Быганова Амелия 10 кылаас.