Хоптогинская библиотека

Тохсунньу 27 күнэ — Ленинград блокадатын сиэртибэлэрин кэриэстиир күн. Биллэрин курдук, 1941 сыл балаҕан ыйын 8 күнүгэр Советскай Союз бу биир улахан куората өстөөх төгүрүктээһинигэр түбэспитэ.
872 күн устата куорат олохтоохторо буомбалааһынтан, ытыалааһынтан уонна саамай иэдээнэ аччыктааһынтан эрэйи көрбүттэрэ. Нэһилиэнньэ 97 бырыһыана аччыктааһынтан суорума суолламмыта.
Сабаҕалааһынынан, сиэртибэ ахсаана 1,5 мөл. тиийэр. 1944 сыл тохсунньу 27 эрэ күнүгэр куорат төгүрүктээһинтэн босхоломмута.

Дирин оскуолатын интернатын иитиллээччилэрэ, дойду үрдүнэн ыытылла турар «Блокадная ласточка» акцияҕа кытыннылар. Оҕолор бэйэлэрэ стенгазета оҥорон, блокада историятын биллилэр.